政情：收料站：白鴿黨借貨櫃議辦「爭地盤」

部分區議員因租金、位置等問題，未能於所屬選區物色地方開設辦事處，近年最少兩名區議員因而於選區內開設貨櫃辦事處。最新有意接力開設貨櫃議辦係民主黨大埔區議員區鎮樺，之不過同之前兩個個案略有不同，事關區鎮樺目前唔係一個辦事處都冇，只係該辦事處位於隔籬屋邨，距離佢所屬大埔中選區約廿分鐘步行路程，為此，佢有意於選區內一個空地開設一個約二百呎嘅貨櫃議辦，據聞有關諮詢早前已經完成，暫時反對意見唔多，似乎貨櫃議辦落成只係時間問題。