「民主阿婆」前政務司司長陳方安生過去多年不甘寂寞，頻頻到外國「唱衰香港」，佢於香港時間尋日凌晨在美國一間大學大談如何在動盪世界維護核心價值，不過觀乎其內容離不開繼續「唱衰香港」，她首先聲稱香港目前有貧者愈貧，富者愈富的現象，而據中英聯合聲明及《基本法》保障香港高度自治，但佢報稱每日都有證據顯示，西環不斷干預香港嘅內部事務等。
民主阿婆其後提及前年佔領行動、銅鑼灣書店五人離奇失蹤等事件，連二月底立法會新界東補選都唔放過要評論一番，期間民主阿婆言談間講到好似有驚人發現，指當時有年輕本土候選人，沒有政治往績取得一定支持，又稱部分人指本土主義係提倡港獨；但民主阿婆強調，港獨主張得不到大多數港人支持，似乎有意同港獨保持距離。
民主阿婆其後補充，若然香港成為中國任何一個城市，將會失去其對中國及世界嘅獨特性喎。話時話，民主阿婆被指係過氣「舊電池」真係有原因，一時就老調重彈「唱衰香港」，一時就講啲猶如「阿媽係女人」嘅看法，真係令人哭笑不得。