亞視「壽終正寢」嘅一刻，突然熄機變成藍色畫面，亞視前執行董事葉家寶尋日出席一個活動時，話自己不忍親眼見證熄機一刻，所以無睇到，但就鬧爆處理手法「結果好核突、好唔專業、好無水平」，認為可以做得好啲去多謝觀眾嘅支持，依家無聲無息結束，有啲奇怪。亞視熄機嘅處理手法固然突兀，但葉家寶主事期間，亞視嘅節目同管理，難道就唔核突、好專業、好有水平咩？講真嗰句，亞視最終搞到要熄機，其實葉家寶都係責無旁貸，依家指指點點似乎係五十步笑百步囉！
