香港旅遊業正處於寒冬，根據旅遊業議會最新數字，今年二月內地入境團登記數字按年大跌六成。立法會旅遊界議員姚思榮坦言，本港近年頻頻發生反水貨客等事件，又有針對內地旅客嘅「驅蝗行動」及「拖篋事件」，搞到好唔愉快，更甚係農曆新年年初一發生嘅旺角暴亂，令內地旅客「杯弓蛇影」，擔心來港旅遊係咪安全。記得當初，班反水貨客、反內地旅客嘅人士高呼捍衞本土，又揚言「自己香港自己救」，但依家香港零售市道疲弱，又唔見呢班人出來購物救香港？
