【本報訊】車頭像摩托車，車身如坦克，當你還無法判斷眼前這輛「四不像」，馬大立已將這輛在二戰時身經百戰的德軍支援車的規格琅琅上口。「德式半履帶車採用坦克式、差速轉向，前轆作用唔大，拆咗都得，所以條（履）帶長過美式半履帶車，佔車長近八成；履帶內車轆以『品』字形擺放，方便互相取代。」他估計全球現存約一百輛同類車輛，亞洲僅佔三輛，另兩輛目前在日本。
這輛一九四四年出廠的德軍支援車NSU HK101，在二戰時負責拖拉大炮和重型裝備，最高時速可達七十多公里，設有四十二公升油缸，入滿油可在馬路上行走約三百公里。馬指，當時履帶車一般時速僅二十、三十公里，「（時速七十多公里）可以話係天方夜譚」。他解釋為更靈活被運用，其加力波比數幅度有特別設計，讓它在拖拉重物時，又能高速行駛：「唔係好容易畀人追到」。
馬續指，履帶多點接觸的設計增加車輛阻力，令其越野性能更強，符合坦克車的一比一標準，即仰角達四十五度，故縱使車重約一噸，卻拉得動五噸重載貨貨車，甚至在平路以低波拖動五十七噸重坦克車。車輛另一特色是前輪沒有驅動力，全車亦非靠它轉向，豈非可有可無？他笑言：「純粹等啲軍人一開始唔好覺得會好難揸，喺緊急情況下拆咗佢一樣行得到。」