民航處處長羅崇文屢次被踢爆大花筒兼管理混亂，民航處猶如「獨立王國」，而新空管系統又嚴重延誤，搞到佢先後引起審計署批評及遭立法會政府帳目委員會強烈譴責。雖然佢劣迹斑斑，但一直安坐其位長達十二年，近日終於傳佢喺五月提早退休，趕住喺問題多多嘅新空管系統啟用前甩身，認真識揀時間。更離譜嘅係，佢可以袋逾千萬元退休金豪歎退休生活，而民航處爛攤子唔使上身，納稅人嘅錢真係使得冤枉囉！
