中環出更：不滿撐港獨 港大生罷交學生會費
港獨思潮愈演愈烈，港大學生會會長孫曉嵐早前上電台節目時，曾經表明港獨係可行出路，引起社會關注。有外國媒體中文網今日刊出一篇署名港大哲學系學生發表嘅文章，表明不滿孫曉嵐支持港獨，發起拒交會費行動，抗議學生會「必然會員制」。孫曉嵐表示，一直以來都有少數學生拒交會費，唔認同與自己言論有關。
有關文章指，孫曉嵐嘅言論對於港大內地生是沉重打擊，又認為港大生必須每年繳交一百四十元會費，自動成為學生會會員的制度並不合理，認為有必要作出抗議。文章又指，有同學已成立「拒交港大學生會必然會費」（Resist Compulsory HKUSU Membership）專頁，並得到四百多名同學支持。
會長：一直有人拒交
孫曉嵐接受本報查詢時承認，一直有少數學生拒交會費，睇唔到本年度數字有明顯上升，唔認同有人拒交會費同自己言論有關，又話拒交會費一事暫時未有內地學生當面向佢反映喎。佢又話，拒交會費嘅人唔可以使用學生會福利，亦不會享有投票權，但唔會因此而喪失學生資格。據了解，港大學生會會費是與學費綑綁式繳交，不知學生如何拒交會費，莫非連學費都唔交？
卓妮