探射燈：「三年牌」制度 阻礙新血入行
「講到尾，一個行業要搞得好，不斷有新血入行先係最重要！」香港的士業議會主席熊永達指，的士司機近年嚴重高齡化，甚少年輕人願意入行，致行內青黃不接，「你幾何見到有後生仔揸的士？有都係替更揸一兩日多。」他認為，行業缺乏新血的其中一個核心原因，來自運輸署。
議員促調整規定
熊表示，運輸署規定駕駛者要夠「三年牌」才可駕駛的士，對業界影響非常深遠，「如果運輸署係從安全角度考慮，咁點解揸貨Van（客貨車）搵食又唔使三年牌呢？大部分想揸車搵食嘅後生仔寧願一夠十八歲考到牌就揸貨Van，變咗無人揸的士。」
立法會議員王國興亦指，現時科技先進，「三年牌」規定不合時宜，「當年設立三年牌規定好大程度上係希望駕駛者有車牌之後，可以熟習咗路面先，唔會兜錯路收貴咗，依家一睇手機咩都知啦！」王建議政府與的士業界加強溝通，調整「三年牌」規定。
運輸署發言人指，署方理解運輸業界的訴求，並會作出研究，充分考慮各方面的理據。