政情：陳鑑林被起底 「搭單」伸冤
新春旺角暴亂導致多名警員受傷，有立法會議員提出質詢，關注前線警務人員的職業安全及其裝備和訓練是否足以應付暴亂。不過，近日女婿嘅雪糕店被網民起底兼圍攻嘅議員陳鑑林，就「搭單」向保安局局長黎棟國伸冤，離題指網上暴力愈趨嚴重，「對我嘅圍攻，甚至組織啲人去我屋企『圍我』，對我作出不利嘅行動，對我家人作出威嚇」，問警方有何行動喎。難道議員報警都有特快通道？
黎棟國唔明「心事」
立法會財務委員會代主席陳鑑林日前強行通過高鐵追加撥款成為眾矢之的，近日盛傳銅鑼灣一間雪糕店由佢女婿創辦，有網民呼籲杯葛雪糕店，禍連女兒及女婿等統統被起底，陳鑑林出席會議時，亦藉有關旺角暴亂的質詢向黎棟國伸冤。
不過，黎棟國似乎不明白陳鑑林的「心事」，只稱網上及現實世界的言論均受規管，警方在前年佔領行動期間，多次就網上煽動行為執法，警方會對互聯網罪行加強偵查能力，對於有人在網上散播不合法言論不會置之不理。唔知又會否令陳鑑林安心啲呢？