政情：謝偉俊買衫買鞋要「變色」
香港貿易發展局早前舉辦時裝節交流酒會，立法會議員謝偉俊（Paul）當日亦有出席同其他嘉賓交換衣着心得，期間Paul以佢當日身穿嘅一對鞋為例，話試過同一款式嘅鞋買齊黑色、紅色等四隻顏色；當問及係咪四隻顏色嘅鞋都會着出街，佢笑言通常最後着來着去都係同一隻色嘅鞋。
Paul過去出席立法會都精心打扮，佢自言以前買落好多衫，尤其初出嚟社會工作嘅時候，唔少人都係先敬羅衣後敬人，搞到佢依家啲衫多到要搵個二千呎嘅倉先至夠擺。佢又強調，儲落咁多衫並非因為鍾意追新款，而係同一個款式不時都會買幾隻色，諗住難得個款式同剪裁啱自己身形喎。