中環出更：批港媒報道片面 黃玉山亂噏
立法會新界東補選中，主張自治嘅本土民主前線參選人取得六萬六千票，加上農曆新年爆發旺角暴亂，反映港獨思潮愈演愈烈。正喺北京開兩會嘅港區人大代表、公開大學校長黃玉山就覺得年輕人要將香港從中國分離出去嘅其中一個原因，係因為香港傳媒對於國家嘅報道「負面多、正面少」，令年輕人對國家好似霧裏看花，只知道缺點，唔知道優點。不過，黃玉山並無指明係邊啲傳媒，如此「一竹篙打一船人」，似乎唔太公道兼亂噏喎！
「一竹篙打一船人」
黃玉山尋日接受傳媒訪問時表示，部分年輕人思想極端，原因之一係香港傳媒對於國家嘅報道「負面多、正面少」。佢話，雖然國家有唔好嘅地方、有好多缺失，好似貪污，但亦有好嘅地方如文化發展。佢批評傳媒報道片面，形容情況不理想，希望報道可以平均一點。至於係邊啲傳媒報道片面、報憂不報喜，佢無交代清楚。黃玉山尋晚接受電話查詢時澄清，當時佢係話「正面嘅報道唔之後就以正食飯為由匆匆收線。
卓妮