得獎攝影師:留意四周 唔好掛住睇景

【本報訊】獅子山佇立於九龍中部,海拔高度四百九十五米,從九龍南面市區仰望,其勢酷似一頭獅子雄踞山頭,風景優美,且接近民區,為香港市民所熟悉,是熱門的行山及攝影地點,吸引很多攝影愛好者趁假日登山拍照。

大霧日子忌上山

曾獲二○一五年國家地理攝影大賽青年組冠軍的Kelvin Yuen表示,他曾多次到過事發地點拍攝風景相,假如熟悉環境的話,現場並不算太危險,但事主墮崖的位置為崖邊,沒有裝設圍欄,只有草和石堆,一失足便直墮崖下,無可以憑靠的地方,十分危險。

他認為攝影人士「應該多留意周圍嘅環境,唔好淨係掛住睇靚景,因為無咗條命就無得影。」而且「嗰個角度其實行後啲都影到,影到都唔會好特別,無必要走到崖邊影」,加上昨日十分大霧,濕度又高,「其實都幾危險,即使係我哋經常去影相嘅人,都唔會揀喺今日(昨日)上山,又或者會等到啲霧散咗先至去影。」他建議,攝影人士可以多上幾次山,先熟悉環境再拍攝,又或者在安全位置用攝影器材定點照相,不要只求取景而罔顧自己的安危。

另有攝影人士表示,戶外攝影需事先做足資料搜集,熟悉登山的環境,並且留意天氣是否適合登山,切勿獨自登上,例如大霧、潮濕等就不要強行上山,即使上山後亦「唔好跟住個鏡頭行,都要留意腳下」,很多人拍照時只顧遷就角度,忽略了周邊的環境。

第一手消息請下載on.cc東網iPhone/iPad/Android/Windows Phone Apps