政情：公民講場：票控違例吸煙調查前先「劉」言

食物及衞生局早前推出咗一個違例吸煙機制，票控一啲喺禁煙區違例吸煙嘅人。申訴專員劉燕卿尋日批評，政府執法不力，違例吸煙情況依然嚴重，有唔少禁煙區更長期係吸煙黑點，令市民仍然飽受二手煙之苦，未來申訴專員公署會主動調查成個機制是否有效。不過，劉燕卿次次都係事前打晒開口牌話要調查，咁樣提水法，相信執法人員都會打醒十二分精神，加強票控違例吸煙人士，睇怕到時劉燕卿偵探上身都未必查到個機制係咪有效。