白色情人節又嚟喇！攬住情人自拍「放閃」好Sweet？Jessi Marie話剝衫大解放仲吸睛呀！為咗向前男友報復，阿妹粒聲唔出走去做裸模，結果憑住34DD一脫成名，上位、報復、分手一鋪過，真係至威係佢囉！
幾時都話女人唔好惹，尤其係女友，激嬲佢可以好大鑊o架！據Jessi Marie自爆，喺3年前嘅聖誕，當時佢喺酒吧任職酒保，男友話會接收工兼畀驚喜佢，點知等到打烊條友都未出現，唔使問梗係走咗去玩啦！嬲到爆嘅Jessi諗住對方氹番自己就算數，殊不知第二日瞓醒喺社交網見到，原來男友去咗夜場溝女，更畀人影到相同啲女攬攬錫錫，有圖有真相，呢鋪連天皇都冇面畀啦！Jessi心諗大興問罪之師只會炒大鑊，反而要男友感受一下咩叫心痛，於是阿妹將個人資料發電郵去成人雜誌應徵做Model，佢坦言當時個心十五十六o架，既怕自己未夠條件，又怕自己唔敢剝，但電郵已送出，一切交畀上天決定。幾日後Jessi收到對方回覆，同日就去面試，結果成功取錄。好在阿妹有仇必報，否則埋沒多年嘅34DD巨乳，巴打根本無機會睇到喇！
有樣有巨咪，成人雜誌又點會放過Jessi，面試完後立即安排拍寫真，就係咁阿妹拍攝人生第一次露點寫真！事後佢接受訪問話拍裸照並非想像中咁尷尬，仲拍得好唯美，令佢決定瞓身裸模界。
當然，唔係你想做就有機會，仲要睇埋市場反應，Jessi嘅頭炮寫真喺拍攝後一個月出街，攝影師同阿妹都深信一定震撼成人界，而最可悲睇怕係蒙在鼓裏嘅男朋友仔，以為可以瞞天過海，繼續左擁右抱，直到寫真出街，Jessi妹第一時間買本返屋企，男友睇到眼火爆就肯定（口架）啦，但一切都返唔到轉頭，Jessi堅決分手，呢個報復計劃都去得盡！
不過，Jessi話要多謝前男友令佢有勇氣踏出第一步，否則今日繼續喺酒吧打工。而自從處女寫真出街後，Jessi簡直裸模上身，唔只男人想睇，連佢自己都愛上剝衫，入行年多已喺成人雜誌及鹹網拍攝超過20輯寫真，但呢啲都只係好濕碎，因為阿妹喺社交網堅持每日一剝，即使喺屋企下廚，或者同寵物玩都鍾意晒波益街坊，阿妹咁抵得諗，巴打都應該盡一分力，多啲「些牙」開去等阿妹剝得更有價值！
簡介：睇Jessi Marie收費寫真梗係正啦，但識睇梗係要睇阿妹嘅社交網，事關佢堅持每日一剝，唔晒過波唔開心咁，唔使錢任你睇，點可以唔支持呀！
網址：https://twitter.com/thejessimariexo
出生日期：1991年1月17日
三圍：34DD-26-33
身高：5呎3吋
撰文：祖