政情：英籍華人 帶頭反英惡法
過往華人移民海外，好多都只係埋首工作，但已經改變。英籍華人李貞駒（Christine）與梁日昌最近與朋友成立「香港英籍華人網絡」，聯繫有英國國籍嘅香港華人，善用選票或參政權利，發揮公民力量爭取權益。雖然組織鼓勵華人參政，但係身為主席嘅Christine，起初係不問政事之人。
籲參與脫歐公投
Christine係新界人，幾歲大就跟家人移民英國，佢同當地好多華人一樣，唔太理會英國的公共事務。○五年時，她發現英國正制訂一條針對移民嘅法案，當中提到倘若外來人士訪英簽證不獲續批，會撤銷在英國本土上訴權利，要返回原居地重新申請。法案一旦通過，對急需外勞嘅華人餐館，及華人留學生都有影響。
當時有關法案已經通過二讀，而華人社區卻懵然不知，Christine於是走遍英倫三島向華人社區講解法案，並把意見轉交國會議員，成功迫使法案作出修訂，自此佢很支持華人參政。Christine話，英國全國地方選舉、英國脫離歐盟的公投快將舉行，屆時香港嘅英籍華人亦務必投票以盡公民責任。