政情：公民講場：冇得做副校長 陳文敏亂發洩

香港大學法律學院前院長陳文敏早前無緣出任港大副校長，未知係咪怨氣難消，仍然不時在報章撰文「亂發洩」，好似佢尋日就為法官及協助旺角暴亂示威者嘅律師護航，不但批評部分人因為不滿法庭對示威者嘅判決而號召網民對法官「起底」，仲死撐啱啱當選立法會議員嘅公民黨大律師楊岳橋，指佢代表喺旺角暴亂中嘅被捕人士，只係履行律師職責，外界指佢係「暴民律師」只反映佢哋對律師工作同律師代表的權利有誤解。不過，港大民調日前先公布三項同法治及法官有關嘅評分都全線下跌，保安局最新數字更指，佔領行動至今有千人被捕，但只有七十四人被定罪，唔知呢啲數字又點解讀呢？再者，若不是有泛民政黨背景的律師，一般律師會義務協助旺角暴亂中被捕人士嗎？