政情：四個大男人傾湊仔經

立法會議員陳恒鑌（Ben）（左二）尋日上載咗張相，同漁農界議員何俊賢（高佬賢）（左一）、勞工界郭偉強（右二）及深水埗區議員鄭泳舜（右一）坐埋一齊大談湊仔經。阿Ben話新任爸爸郭偉強前日接了初生兒子回家後哭個不停，成晚通宵為兒子「服務」後露出疲態，剛巧有「多仔公」之稱嘅鄭泳舜亦在立法會，於是即場分享湊仔經。阿Ben則聞風趕到，除溫故知新，也做好心理預備，因他已忘記之前湊女嘅細節，話好快又輪到佢，仲捉埋高佬賢來聽，鼓勵對方努力造人加入好爸爸陣營。