被港獨人士稱為「國師」嘅本土派學者陳雲，早前喺社交網站宣布將「撤離」任教多年嘅嶺南大學，但就無透露之後嘅去向，只留低「另謀出路」四字。陳雲尋日再次喺社交網站發貼，呼籲大家今日投票畀一個同佢理念相近嘅候選人，否則佢聲言會參加九月立法會選舉。其實陳雲之前已預告過今年八月約滿嶺大就唔會再續約，莫非佢提早宣布撤離嶺大，係為咗有更多時間預備參選？
