政情:旅業嚴冬 黃士心歎世界

今個農曆新年假期訪港遊客數字大減,本港主要旅遊景點之一嘅迪士尼樂園去年更加轉盈為虧,似乎預示旅遊業嚴冬仲有排捱。不過,康泰旅行社董事長黃士心(Jackie)嘅心情就唔受影響,仲興致勃勃計劃今年嘅旅遊大計,包括造訪佢仍未去過嘅古巴。

Jackie可以咁開心歎世界,皆因佢嘅三名子女都已成家立室,而且事業穩定。佢話,做人唔使求大富大貴,依家佢得閒就同親友聚吓,歎吓世界,已經好滿足。

仔仔黃進達忙到冇時停

不過,Jackie兒子、身兼旅遊業議會主席嘅康泰旅行社董事總經理黃進達(Jason)就要捱世界,忙到冇時停,農曆新年期間既要睇住公司盤生意,仲要緊貼業界市況。睇見今年農曆新年本港入境旅遊市道差,Jason坦言好憂慮,話未來一年要同旅遊發展局緊密商討,睇吓點樣催谷旅遊市道喎。

第一手消息請下載on.cc東網iPhone/iPad/Android/Windows Phone Apps