政情：區諾軒結婚 周庭接花球
南區區議員區諾軒尋日做「老襯」，同女友劉芷蔚拉埋天窗，婚禮更掛上「成功爭取與劉芷蔚成家立室」和「為老婆搏盡」嘅橫額，相當搞笑。着上紅色西裝外套嘅區諾軒，喺婚禮上同太太激吻，真係羨煞旁人。婚禮嘅另一亮點，就係年僅十九歲嘅學民思潮成員周庭突圍成功，喺一眾女賓客中接到花球，莫非預示佢又好事近？
現場所見，周庭企喺一眾女賓客嘅中後排位置，新娘將花球一拋，力度十足，花球拋到中後排位置，周庭於是不費吹灰之力就接到花球。周庭手執花球初時有啲不知所措，定一定神後就上前甜笑合照，唔知搶到花球會唔會勾起佢一顆恨嫁嘅心呢？
值得一提嘅係，周庭身上寬鬆嘅外套，無論喺身形同年紀上似乎唔太相襯，唔通佢係專登打扮得成熟一啲？