病人肋骨裂 律敦治走漏眼
病人骨裂，公立醫院卻未發現！有市民因交通意外被送往律敦治及鄧肇堅醫院急症室，接受X光檢查後，醫生稱沒有大礙，僅處方病人止痛針及止痛藥，惟病人離院後因感胸口劇痛再到私家醫院求醫，證實肋骨有裂痕及肩膊撕裂。醫院發言人解釋，骨裂情況未必會於創傷初期的X光檢查中顯示。關注團體建議醫生應該加強與病人溝通，提醒病人注意身體狀況，如痛楚持續，應立即求診。
彭先生上月駕駛電單車時因遇意外被送往律敦治及鄧肇堅醫院急症室，當時覺得肩膊及胸口疼痛，接受醫生檢查後獲處方止痛針，「醫生話我冇乜事，可以即日出院同畀咗止痛藥我返屋企食。」彭以為自己沒有大礙，遂安心回家，惟晚上開始覺得患處劇痛，兩天後到私家醫院檢查，結果卻令彭大吃一驚，「私家醫生話我裂咗四條肋骨、膊頭撕裂同埋有肺積水，仲要花一段時間等自己好番！依家出咗院幾日，膊頭唔可以舉高，咳同笑都覺得痛。原本以為冇事，點知原來咁大件事！」
稱創傷初期X光未必可照到
對於傷勢不輕及有可能「手尾長」，而公立醫院醫生卻稱其沒有大礙，彭坦言對醫生的診治失望，質疑其檢查及安排未夠恰當，「如果我真係當自己冇乜事而如常活動，冇再睇醫生，都唔知會唔會搞到自己仲傷！」彭希望該院就事件檢討及改善，以保障病人安危。
律敦治及鄧肇堅醫院發言人表示，病人上月因交通意外到該院急症室求診，當時病人表示左肩疼痛，臨床檢查發現病人因痛楚而減低左肩活動幅度，另X光檢查顯示病人左肩至鎖骨位置無明顯骨折。醫生處方止痛針予病人，並建議病人於急症室留待觀察。醫生其後再為病人檢查，病人表示左肩疼痛雖有好轉，但左邊胸腔感到痛楚，醫生遂安排病人進行胸部及肋骨X光檢查，結果顯示無明顯骨折，亦無肺積水或氣胸的情況。發言人說，由於骨裂情況未必會於創傷初期的X光檢查中顯示，醫生建議病人如痛楚持續，應立即再到急症室求診。
團體促醫生加強與病人溝通
「病人入院嗰陣冇乜嘢，但之後先出現問題，其實呢啲情況並唔罕見，但醫護人員應該再做多一步，提醒病人之後病情有機會惡化，或者派啲相關嘅單張，等佢哋注意多啲。」關注病人權益的香港社區組織協會幹事彭鴻昌建議醫生必須加強與病人溝通及對病人多加提醒，避免病人因忽視病情而令傷勢加劇。
記者：黃凱翎