市民點睇
施小姐
「綜援金雖然有雙糧，但係小恩小惠，其他措施根本受惠唔到。政府庫房水浸，亦有荒廢土地，唔明點解冇決心建公屋，希望港府可興建更多公屋，加快他們上樓。」
張太
「今年公屋免租冇影，有少少失望，綜援有雙糧幫助唔大。其實再多糖都冇用，係小修小補，因為大部分香港人被醫療、房屋及教育『三座山』壓住背脊，港府要在三方面加強經常性開支。」
王婆婆（八十五歲）
「每個月要花千幾二千蚊睇醫生，生果金出雙糧係有好過冇，但對比去年出三糧始終差啲，老人退休仍需要生活，長者福利當然愈多愈好。」
蔡先生（中環擦鞋匠，租住公屋）
「長者津貼出雙糧，唔代表所有公屋戶或基層都會受惠！上年有免租，今年政府庫房賺咁多錢反而冇，有冇搞錯！」
張伯伯（六十三歲，租住公屋）
「平時開飯已經唔夠錢，仲點畀筆錢出來買iBond，又要抽到先買到，債券投資老人家又點識！點解唔直接免租？」