旅遊資訊板殘污缺廢

「塊資訊板冇得左擰右擰，要走近排檔拗晒身先睇到幅地圖，真係好唔方便！」鄺先生日前經過深水埗桂林街，發現旅遊事務署在港鐵D2出入口對出路邊設有指示標誌，充當訪港遊客的引路明燈，惟附設在柱上的地圖資訊板卻非面向大街，而是旁邊人流如鯽的排檔，質疑資訊板設置不當，「條柱同排檔個距離窄到離譜，仲要叫人借開先睇到幅地圖，整到咁求其影響晒香港嘅形象！」

路署：會定期巡查及維修

不過，即使有資訊板面向大街，途人亦未必能閱讀地圖上資訊。另一市民陳小姐指油麻地碧街近彌敦道有地圖資訊板外觀殘舊，部分資訊被污漬遮擋，無法找出部分地標的準確位置，令其喪失原本功用，「塊資訊板畀人貼晒街招，啲『漬』仲遮住咗地圖上面嘅字，睇到地圖都唔知係乜嘢地方！」記者於西九龍一帶巡察時，發現太子西洋菜南街有同類情況，加上柱身有漆油脫落，明顯欠缺保養。

深水埗 深水埗桂林街有地圖資訊板面向排檔，途人須側身探頭方可查閱資訊。	街招即使被撕走仍留有痕迹，遮蓋資訊。	市民點睇 吳先生：「要擰轉身先睇到（地圖）勁唔方便，仲阻住人做生意！」

旅遊事務署發言人表示，過去三年分別接獲兩宗在指示標誌張貼宣傳物品及弄污地圖資訊板的查詢，又指接獲轉介後，已聯同香港旅遊發展局檢視涉事標誌，並聯絡有關部門作出跟進，強調旅客指示標誌的維修事宜由路政署負責。

路政署發言人指出，該署根據旅遊事務署提供的設計，負責指示標誌的設計、裝置及維修工作，承諾會定期派員巡查，有需要時進行維修及保養。

食物環境衞生署發言人則稱，已派員清除油麻地地點的有關招貼，至於在旺角有關地點，則未有發現未經准許展示的招貼或海報，根據相關條例一經定罪，可被定額罰款一千五百元，而最高罰款為一萬元。

議員轟損旅遊之都形象

「安裝前冇喺使用者角度考慮，安裝後部門又疏於執法，令旅遊之都嘅形象受損！」立法會議員范國威認為，作為策劃設計及安裝道路周邊設施的部門，旅遊事務署與路政署有責任為設施設計作最後把關，事件同時亦反映食環署未有竭盡所能履行職責。范國威要求當局應加緊巡查全港指示標誌，同時加強執法力度，以根治問題。

記者：陳瑋珩、黃凱翎