模特兒一向以來畀人嘅感覺就係得個樣靚身材正，其實佢哋並非只得外表，仲有其他地方值得欣賞，甚至係極具潛力，好似易陽就係一個好例子。呢位索模除咗擁有迷人樣貌同波濤「胸」湧嘅身材，其歌喉同舞藝亦相當出色，未來大家更有機會欣賞到佢嘅演出添！
今年23歲嚟自北京嘅易陽，原名易秀慧，英文名Elly，畢業於陸軍航空兵學院嘅佢，原來早喺18歲已經從事模特兒工作，憑住迷人五官及火辣身材，尤其係一對38吋巨乳，甫出道就成為大家嘅焦點。不過講到佢真正人氣爆燈，就要數其後佢推出嘅性感寫真集，喺當中佢盡情展現一對強橫「胸」器，更挑戰尺度極限，如虛掩雙峰、爆乳側漏等，成功吸引大家嘅眼球，並喺網絡上引嚟極大哄動，甚至有人稱佢嘅身材係爆錶級水平！
除咗外形誘人，阿妹嘅言論亦相當大膽及惹火，佢曾經喺個人微博上提出若然評論超過某個數目嘅話，就會上載大露出嘅照片，結果評論人數不但比佢預期超出一倍，而佢亦承諾上載一張半裸展露玉背嘅艷照，試問粉絲點會唔勁冧佢吖！除咗喺網絡上人氣爆燈外，佢亦經常喺各種平面媒體亮相，例如男士、潮流、內衣等雜誌，同時亦出席唔少時裝騷同內衣展，工作忙個不停。
雖然易陽嘅外形超索，人氣高企，但係佢並唔甘心只喺模特兒界發展。正所謂「金子總有發光嘅一日」，及後佢被娛樂公司睇中收歸旗下，並且聯合多位同佢一樣擁有出眾外在條件嘅模特兒，組成性感女子組合「36D天團」。為咗令佢哋嘅表演更加專業，公司搵嚟頂級班底為佢哋進行專業培訓，同時將佢哋嘅訓練過程片段放上網，等粉絲可以睇到佢哋係幾咁努力。
對於進軍樂壇，易陽坦言相當有信心，除咗因為自細對唱歌有濃厚嘅興趣外，佢曾經接受過舞蹈訓練，對於公開演出一啲都冇難度，而且希望大家唔好將焦點放喺佢嘅身材上，多啲欣賞佢嘅歌藝同舞藝。事實上，佢為咗令到演出更加成功，早前進行地獄式訓練，並且要嚴謹控制飲食，以保持美好嘅身段。之不過，佢慨嘆喺壓力之下體重竟然不減反增，究竟係因為壓力過大而令體重出現反彈，定係佢為食之故呢？不過唔理係乜嘢原因，佢對車頭燈唔好縮水就得喇！
簡介：當大家見到易陽時，焦點總會落喺一對迷人巨乳上，其實佢嘅歌藝及舞藝都相當出色，想欣賞阿妹嘅甜美歌聲及舞蹈，就要去佢嘅微博睇睇喇！
網址：www.weibo.com/u/5166336118?is_hot=1
出生地：北京
身高：173cm
三圍：38、25、36
撰文：魂