本身未夠「秤」參選、但近日表明會喺四月成立新政黨籌備立法會選舉嘅學民思潮召集人黃之鋒，尋日在社交網站留言為新政黨徵人才，聘請全職平面設計師。不過，呢份工要求多多，要「處理政黨文宣，包括單張、橫額、懶人包、infographic....當然如果識得做埋錄影同剪接就更加好」，但薪金就要應徵者自己提出，真係唔知開佢幾錢好喇。不過，學民思潮近年每逢遊行籌款都籌到盆滿缽滿，相信幾萬蚊人工絕對畀得起，但設計師嘅工作成效能否滿足到佢哋班年輕人，咁就唔知喇！
