政情：趙樓神留學 暑期工賺埋經驗
雖然仲有幾個月至到暑假，但為大學生提供內地實習機會嘅「滬港明日領袖實習計劃」，尋日就喺浸會大學開設簡介會。除咗計劃創辦人姚祖輝將往年大學生參與計劃嘅經歷輯錄成書，仲邀請浸大傑出校友、有「樓神」之稱嘅長實執行董事趙國雄，分享其實習經驗，原來他當年留學加拿大時，曾到美國做暑期工賺取全年生活費。
同時建立人脈網絡
趙國雄話，當年留學若要吸取工作經驗惟有做暑期工，為避免牴觸加國嘅逗留條件，佢選擇南下美國，到首都華盛頓一間唐餐館當侍應。由於華盛頓係政治中心兼旅遊熱點，好多遊客畀貼士都特別疏爽，因此趙國雄做兩個月暑期工，就已經賺夠一年使用。此外，佢又把握同客人接觸嘅機會，結識到當地嘅警察、法官與及議員助理等，對於建立人脈網絡有很大有裨益。
講起大學生時代，趙國雄憶起當年喺浸大讀社會學，有個叫outlaw嘅名詞，意思係有人以違反大眾認同嘅方式來達到目標，佢話年輕人有好多途徑表達意見，應以不影響他人為依歸。