中環出更：曾蔭權鬼祟開老爺車出巡
官司纏身的前特首曾蔭權爵士（曾爵士）自早前上庭之後都鮮有現身，但他昨日早上就又再鬼祟出巡，還親自開出自己輛古董老爺BENZ招搖過市。早上七時許，卓妮在畢拉山道見到有架古董老爺BENZ猛閃車頭大燈，疑似嫌前面的校巴駛得慢，認真無品。望真啲，原來開呢輛古董老爺車正是曾爵士，晨早流流，唔知去邊呢？莫非趁還有時間，晨早去吸啖新鮮空氣？
見到記者即轉返宿舍
未知曾爵士是否因為見到現場有記者，他的表情似乎有點緊張，當前面輛校巴開走後，他就即刻「開快兩步」扭軚轉入畢拉山道高級公務員宿舍，即他的寓所所在地。不過，奇就奇在曾爵士並無將輛老爺車停泊在原來的車位，而是駛咗入宿舍，泊了其他車位，而曾爵士之後亦無再現身，真是貫徹他鬼鬼祟祟的作風。
其實曾爵士這輛老爺車都已經有好一段歷史喇，由於老爺車耐唔耐都要開動「郁吓」，所以以前他在任政務司司長及特首時，都會定時由官邸開出老爺車兜圈，其實車輛同人一樣，都是「年紀大，機器壞」。