沙田：落貨加違泊 沙田正街塞爆
沙田正街違泊問題遏之不盡！馮先生指，沙田正街近沙田廣場路段經常有車輛違泊，令繁忙時間造成交通擠塞，情況持續多時仍無改善，「條路係有三條線，好似好闊夠晒行，但係最近行人路嗰邊係上落客貨區，側邊嗰條線又成日有違泊，搞到上落客貨區啲車出唔到，同埋變相得番兩條線。」
警方稱按情況執法
警方發言人表示，沙田分區在處理區內交通投訴時，首要是確保道路安全及交通暢順，按情況採取適當的執法行動。沙田正街是交通黑點，該處的違泊問題在繁忙時段和周末比較嚴重，在接獲投訴轉介後，已派員加強上址巡查及按情況執法。
「明知嗰度係交通黑點，警方就派多啲人去巡吓同抄吓牌啦！」馮先生批評警方辦事不力，令上址違泊問題遲遲未見改善，要求積極採取執法行動。