探射燈：傳搬花墟 商戶群起反對
新春佳節本應普天同慶，但有近七十年歷史的旺角花墟卻傳出面臨搬遷威脅！有消息指，政府一直無力改善花墟一帶交通問題，最近竟「異想天開」建議將花墟商戶集體遷移至洗衣街政府設施原址繼續營業，不過消息一出即時惹來商戶強烈反對，質疑並不可行。
「咁珍貴點解要搬」
「我哋聽到個消息都好震驚，隔籬左右都好擔心，梗係唔想搬啦！」花墟檔主周小姐表示，從消息傳出至今並無政府人員接觸過自己，不過她認為花墟具代表性，是兩代香港人熟悉的地方，應該予以保存，「香港人一話要買花肯定會諗起花墟，咁珍貴點解要搬？搬去室內同普通商場街市有咩分別？」
花墟商戶代表賴榮春同樣認為花墟「搬唔成」，「花墟有好多舖都係商戶自己買咗嘅，政府唔係話搬就搬。」賴向商戶派「定心丸」，認為政府派員到區內單純是聆聽意見以及提出建議，強調一切尚未落實，亦無任何迫遷行動，商戶不必過於擔心。