探射燈：發展與保育非零和遊戲

俗稱「花布街」的永安街當年極具特色，現已面目全非。

香港大學建築文物保護課程學部主任李浩然指，本港的發展觀念停留在「大發展」之上，行業又向地產傾斜，「乜都要賺到盡，乜都拆晒，起過啲新嘅，咁先最快回到本。」他表示，在這種發展模式下，社區無論是硬件或軟件，「例如社區網絡，都必然會被破壞，而起完之後，唔只重建嘅地方，附近租金又會貴咗，變咗成個地區都會受到影響。」

保留歷史區 星洲澳門做得到
李續指，本港應多嘗試進行「細發展」，「依家有人做緊，佢哋買咗啲舊唐樓翻新再出租，唔係清拆，呢個係明顯嘅地產行為，但又可保留建築物原來嘅風格。」他又指，發展必須犧牲保育是假象，「成日話香港地少，係因為要賺錢，所以一發展就要發展啲人流多嘅地方」，並以新加坡及澳門為例，「佢哋有啲歷史區域一定唔畀拆，有啲地區要限樓高，佢哋土地都唔係多一樣做到，點解香港唔得？」

• 旺角康樂街廿多年前一度有七十多戶「雀檔」。