巴士站欠過路處 追車釀禍
馬路欠缺過路處，市民過路「搵命博」！田灣海傍道近華貴邨一段有多條巴士及小巴線往來，亦時有重型車輛出入地盤，惟上址不設過路設施，有於附近工廈工作的市民反映每次橫過馬路均要「與車競賽」，場面驚險，早前終發生意外被車輛撞傷。運輸署指正研究加設行人輔助線以進一步提升道路安全，區議員促當局積極研究並落實方案。
「日日放工都要過對面巴士站搭車，上次心急冇睇清楚就過馬路，結果畀車撞親，依家諗起都覺得驚！雖然知道自己都唔小心，但其實呢度咁多人要過馬路搭巴士，點解唔整番啲過路設施！」高小姐於田灣海傍道一大廈工作，每天下班都需橫過馬路到對面巴士站乘車回家，因馬路沒有設置任何過路設施，上月因此不慎被車輛撞倒，雖僅受輕傷，但至今仍猶有餘悸。
「日日過馬路要同啲車鬥快」
高小姐指出，上址有不少巴士、小巴駛經，亦經常有重型車輛出入地盤，每次橫過馬路均擔驚受怕，「呢度冇燈睇又冇斑馬線，車又開得快，搞到我哋日日過馬路都要同啲車鬥快，有時啲人仲會為咗追巴士連車都唔睇！」高希望政府能於上址設置過路設施，除可保障行人安全，亦有指示駕駛者及行人正確使用道路的作用，「真係唔希望再有人好似我咁發生意外！」
運署：正研加設行人輔助線
記者於傍晚繁忙時間到場了解，目睹不少市民急步跑過馬路，與高速行駛的車輛擦身而過，驚險場面頻頻上演。期間突然下雨，行人過馬路時需同時撐傘及左右張望以防來車，狀甚狼狽。
運輸署發言人表示，上址車速限制為每小時五十公里，車流量不多，市民橫過馬路時亦有足夠的視線。雖然如此，發言人說，為進一步提升道路安全，正研究在上址加設行人輔助線，由於涉及收窄現有行人道以騰出空間在行車路中加設安全島，該署會就有關計劃進行地區諮詢，並會根據收集得到的意見再決定能否把計劃落實。
「馬路對面有巴士站，所以一定有過馬路嘅需求，如果整番啲設施，市民過馬路會安心好多！」當區區議員陳富明認為即使上址馬路不算寬闊，但欠缺過路設施確是對附近出入的市民造成不便及危險，希望運輸署繼續積極研究設置有關設施的方案，盡快落實計劃，保障市民安全。
記者：黃凱翎