即將完成緬甸訪問的民主黨主席兼立法會議員劉慧卿，繼周一面對面與緬甸反對派領袖昂山淑姬見面及交談後，前日再次跟對方見面，更把握機會再提出邀請對方來港。但卿姐引述，昂山淑姬工作非常忙碌，又要應付下月舉行的總統選舉，相信對方會先應付本身國家工作，變相婉拒訪港邀請，唔知卿姐又會否感到失望呢？
卿姐話，前日昂山淑姬約咗包括香港代表嘅外國議員見面約半小時，了解大家對這幾天培訓當地國會議員嘅意見。卿姐引述昂山淑姬話，雖然緬甸議員較為貧窮，無法和其他國家相比，部分更來自落後嘅村莊，但希望他們多探訪選民，又希望卿姐支持和鼓勵她。卿姐就話當然支持她，希望緬甸踏上民主之路。
卿姐又盛讚昂山淑姬係一位女強人，她清楚自己看法，很清晰、很果斷，而且對自己黨友、國家很了解，能清晰講出有咩選擇，有咩可以選擇；看來卿姐今次緬甸之行有好大得着喎！