小儀「麵麵店」遇竊 失$2400
【本報訊】DJ小儀合股經營的麵店，位於大角咀的分店繼兩度招祝融「光顧」後，昨晨又遭賊仔「幫襯」，警員相信竊賊撬毀門鎖潛入犯案，偷走收銀機內二千四百元「銀頭」。據小儀表示，店舖已做足保安措施，但現場附近店舖最近曾發生爆竊案，相信警方會加強巡邏。
附近多店曾被「光顧」
現場大角咀埃華街一一八號地下「麵麵店」，DJ小儀為股東之一，昨晨七時許，有保安員途經上址，發現麵店門鎖有撬毀痕迹，心知不妙，立即聯絡店舖負責人，姓莊（四十四歲）男職員趕返報警。警方接報到場後，相信賊人是撬開麵店靠向深旺道的玻璃門門鎖潛入爆格，麵店收銀機內二千四百元現金失去，估計賊人於夜闌人靜時犯案，由於現場附近曾有多間店舖遭爆竊，警方已極為重視處理。
小儀就店舖被爆竊表示：「其實好簡單，係被人爆格，無咗二千蚊左近，店舖安全措施我哋做足，每日我哋都會清晒所有數，淨係唔見咗銀頭之嘛！」她續指，相信賊人是撬毀店舖的鎖頭潛入。根據資料，小儀於二○一二年與友人合資，在油麻地白加士街開設「麵麵店」，並於前年六月於大角咀再開分店，但兩度發生閉門失火。