版權修訂條例草案「拉布」持續，而醞釀多時嘅「四方會議」尋日終於搵齊立法會議員、政府、版權持有人及網民代表埋位，就公平使用原則展開討論，但無論網民同版權代表都堅拒讓步，最終攤牌收場，齊齊無胡食。代表網民嘅鍵盤戰線發言人鄺頌晴企硬要求喺方案加入公平使用原則。版權大聯盟發言人林旭華就以時間倉促為由，堅拒接受任何修正案。商務及經濟發展局局長蘇錦樑就話雙方未有共識前唔會推出新方案。泛 民眼見咁嘅形勢梗係堅持拉布啦，唔知各方點收科呢？
