好多女仔都嫌自己胸細，甚至冒險去隆胸，其實自然就是美，大大細細都無所謂啦！事實上，胸脯太大有時會帶來不便，好似新紮人氣寫真偶像犬童美乃梨咁，就係因為胸大而搞到肌肉痠痛呀陰功！
女仔胸大的確迷倒男仔，之不過卻唔可以令男人心甜，好似日本寫真偶像護亞沙奈咁，個胸係就係有I Cup咁勁，每邊胸都好似人頭咁大，但係阿妹面孔冷漠，予人感覺難以接近。咁點先夠甜？梗係要配合埋甜美嘅笑容，好似犬童美乃梨就係人辦喇！
現年21歲嘅美乃梨雖然唔算得上係五官標致，似足傳統東瀛女仔咁眼細細，但係面帶天真無邪之氣，輕輕一個微笑就已經令人甜入心，加上唇紅齒白，實在討人歡喜。美乃梨仲有一個注目點，就係雪白肌膚，以及達G Cup嘅豐滿上圍喇！呢對出於天然嘅G奶彈力強勁，一倒一托都顯出高度柔軟性，絕對係好波！
美乃梨喺2014年出道拍寫真，發展唔夠一年就已經人氣勁升，氣勢相當厲害。而美乃梨嘅寫真作品銷量成績理想，當然係全靠一副誘人豐滿胴體啦！至於阿妹點解會擁有咁好嘅身材呢？咪因為做得運動多囉！阿妹表示，初中嘅時候加入學校啦啦隊日操夜操，高中二年級時更加隨隊參加全國啦啦隊大賽，另外100米賽跑、體操等都係佢嘅強項，雖然最後比賽都冇獎攞，但就係因為運動量充足而鍛煉出如此曼妙嘅身材。
現時美乃梨每日都會做運動，除咗Keep Fit之外，因為長期單身關係，孤單寂寞嘅時候惟有做運動打發時間。阿妹早啲講啦！我又係單身，又係好得閒，搵埋我一齊做運動啦！美乃梨又話做運動做幾多都好，唔會話特別攰，之但係拍寫真時成日要佢不斷搖動對巨乳就搞到肌肉痛，邊個叫你個胸生得咁大喎！
簡介：Click上犬童美乃梨嘅博客，除咗可以睇到佢去玩嘅情報之外，仲可以睇到好多美乃梨拍寫真時嘅花絮，入面有好多性感靚相，唔睇就笨喇。
網址：http://ameblo.jp/minorin199456/
年齡：21歲
身高：5呎2吋
三圍：34G-24-33
撰文：賢