財政司司長曾俊華（鬍鬚曾）任內多份財政預算案均「估錯數」，有團體趁新一份預算案公布前夕，批評鬍鬚曾「亂篤數」，成日低估收入、高估開支，單計過去十個財政年度，被低估的盈餘累積就達六千億元，就此，團體建議政府應額外增加公共開支，以改善政府服務。不過鬍鬚曾係出晒名嘅守財奴，一聽到要增加開支就恐嚇香港會出現結構性財赤，危言聳聽，唔知佢今次會唔會醒定啲呢？
