做區議員最重要係同街坊打好關係，沙田區議員丘文俊就有妙計。早前丘文俊喺社交網站放上佢同一隻叫「叮叮」嘅貓錫錫嘅相，原來佢喺辦事處養咗兩隻貓，呢隻「叮叮」就係佢喺街執番嚟，當時只出世兩日，所以佢要做埋奶爸餵奶添！丘文俊笑稱，「叮叮」性格十足港女，事關街坊讚佢愈大愈靚，「叮叮」都好高竇唔睬人喎！不過街坊始終對兩隻貓好好，仲成日攞貓糧畀佢哋食！難怪丘文俊直言兩隻貓幫佢拉到票喇！
（互聯網）
