鰂魚涌：總站爆棚 巴士霸路阻塞
「個站成日都爆棚，搞到啲巴士霸埋隔籬線，條街又不時有啲司機違泊，搞到三條線剩番中線，好似個樽頸位咁。」鰂魚涌居民鍾先生指，祐民街巴士總站疑因面積有限，導致巴士不時在站頭範圍以外停泊，有礙交通暢通，「都有向巴士公司同警方反映過，但好咗一輪之後，好快就故態復萌。」
警去年發440張告票
警方發言人證實已知悉情況，而根據紀錄，柴灣分區於二○一五年共接獲五十六宗有關投訴，期間發出四百四十張定額罰款告票及五十三個口頭警告，當中曾有兩輛巴士因壞車而造成阻塞，隨後已被拖走。
鍾先生認為問題因涉事巴士總站未能容納目前巴士數量，除執法外，長遠亦須改善規劃，「巴士公司話已經叫啲司機埋唔到站嘅話，就兜個圈先番去，但都應該研究擴大個站，或者調整車務編排，先解決到件事。」