教育局建議中小學生要具備認讀簡體字能力，惹來社會強烈反響！新民主同盟尋日到政府總部請願，批評有關措施無助學生學習中文，只會破壞本港文化，係推動赤化嘅政治舉動。不過，教育局局長吳克儉（吳得掂）隨即在社交網站呼籲「請勿造謠」，力斥指控無中生有，重申當局從無倡議以簡體字取代繁體字，亦唔認同喺小學階段學習簡體字認讀。吳得掂今次嘅反應明顯比處理全港性系統評估（TSA）時快得多，唔通係因為生日過咗可以專心工作？抑或係上月訪京交流後得到啟示呢？
