炮台山：盆栽霸行人路 淋水易滑跣
「行人路係公眾地方，點可以由得人放自己啲盆栽喺條路度(口架)！啲盆栽都幾大盆，又成日有人淋水，搞到個地濕晒，跣親人邊個負責！」炮台山居民張先生指，多次途經油街都發現有人於行人路放置數個大型盆栽，不滿擺放多時都未有移走，更擔心會愈放愈多，阻礙途人。
轉介食署 物主移走
食物環境衞生署發言人表示，接獲本報轉介後，曾派員巡查上址，發現行人路欄杆旁有數盆盆栽，經該署人員勸喻後，有關物主已移走盆栽。
「移走就好啦，希望食環署平時多啲注意呢啲問題，唔好任由啲人霸住公眾地方！如果唔嚴謹啲，遲啲可能會畀人擺到變咗花墟咁！」張先生要求食環署繼續跟進，並加強管理街道整潔問題。