大埔：過路發聲裝置故障無理修
「平時拍埋去明明會着燈同會『嘟嘟』聲咁響，但係嗰日拍埋去咩反應都冇，拍咗幾次都係咁。」王小姐早前途經大埔寶雅路近太和橋的行人過路處，發現行人過路發聲裝置出現故障，翌日再次經過發現情況仍無改善，「張貼紙仲寫住過馬路就輕觸，但係又冇反應，都幾好笑喎！好彩佢仲識自己轉燈，有啲過路處要拍咗先識轉，如果嗰啲壞咗就麻煩。」
運署：轉介後已完成維修
運輸署發言人證實，接獲本報轉介後已派員檢視有關裝置，確認該裝置故障，已要求相關工務部門盡快維修，並於一月中旬完成。
「過咗成五、六日先整番好，仲要有人投訴先知，希望佢哋平日巡查就留意吓啦！」王小姐認為運輸署平日應主動巡查，確保行人過路發聲裝置正常運作。