綠色先鋒：港人環保概念待提升
有人欣賞自己的創作，藝術家應倍感安慰，但Anthony指部分參加工作坊的學生態度卻令人失望。
拒接受舊物瑕疵
「有啲學生舊少少嘅燈泡都嫌棄，話點解會有迹，點解唔係新，有啲仲怪我洗得唔乾淨。仲有啲學生學畫畫，畫布有少少污迹都會要求換新。佢哋會覺得自己係消費者，畀咗錢就要新同靚嘅嘢。」Anthony坦言對參加者的態度感到失望，「其實好多人都係因為覺得件燈泡靚先報名。」他指，部分港人對環保概念一知半解，意識薄弱，亦拒絕接受舊物的瑕疵。
值得安慰的是，本港部分學校及社區機構仍然很欣賞Anthony的環保概念，邀請他安排工作坊讓學生及街坊參加，「印象最深刻係曾經有國際學校中學生上嚟，話學校要佢哋自己參加關於環保嘅課程，所以想學整再生燈泡，咁就可以講多啲環保嘅嘢。其實學生係比成人仲易接受環保概念。」