綠色先鋒：鎢燈螢新
新年新氣象，樣樣要新要靚，但舊物品是否一無是處？藝術家Anthony為舊物平反，回收舊燈泡再造重現光芒。特別的是，燈泡是採用所餘無幾的鎢絲燈泡，務求以環保的方式保留傳統，為燈泡更添意義。惟Anthony無奈指，港人環保意識弱，部分工作坊參加者竟無法接受有瑕疵的舊物，「咩都要新」的觀念令人失望。近日他趁農曆新年製作特別版燈泡，藉此呼籲港人欣賞舊物的優美之處。「變舊迎新」一樣可以過好年。
Anthony拿起一個燈泡，說起它的來源：「我用嘅燈泡都係逐漸被淘汰嘅鎢絲燈泡，我都係朋友畀或者貼回收notice（告示）同街坊收，我諗我收番嚟嘅，都係香港最後一批鎢絲燈泡！」他解釋，舊燈泡玻璃面一般泛黃，製作再生燈泡的第一個步驟便是淘空內膽清洗污迹，再設定主題，將裝飾放入燈泡。
重現光芒 延續舊物生命
他舉辦工作坊讓參加者在回收的鎢絲燈泡上發揮創意。臨近農曆新年，Anthony設計了一款以「年年有餘」為主題的再生燈泡，先將鐵絲串入小珠放入燈泡，再在燈泡背面貼上小魚裝飾，並以金色顏料畫上圖案，最後安裝在LED燈座上，「其實可以用食完嘅瓜子殼同開心果殼整，一樣咁靚。」Anthony最初用需更換電池的燈座，後來轉用USB，目的只為更環保，「電池始終都唔夠環保，用USB插電發光環保啲亦都可以令燈泡更通透。」
再生燈泡的概念早在Anthony年幼時萌生，「細個成日都諗，燈泡發光好特別，好似螢火蟲，咁我可唔可以再放啲嘢入裏面，令佢更靚呢？」長大後他發現，外國雖亦有回收燈泡升級再造，但多以盆景或飾物為主。他希望做到的，是令熄滅的燈泡重現光芒，「環保概念嘅最高層次係提升舊物功能，持續佢嘅生命，我想令到燈泡再發光，真正做到再生。」
圖：崔祖佑
文：溫盈盈