政情：民政局烏龍 男「梓」變女士
中性嘅名字經常容易被人搞錯性別，最近就有區議員慘被民政事務局「變性」！話說新上任嘅沙田區議員黎梓恩，早前在Facebook上載咗一封由民政事務局寄出嘅信件，封信嘅上款就寫咗「黎梓恩女士」，但係黎梓恩明明係男士，民政事務局做乜咁失策呀？
黎梓恩話話，以前未參選區議員時，被人估錯性別都合理，但係經歷過選舉，政府會有佢參選資料，仲要係當選，認為民政事務局冇可能會發生呢啲低級錯誤，甚至仲覺得「離譜咗啲」。佢打算搵番有關部門，搞番清楚件事，以免有同類型事件發生。
其實黎梓恩上載嘅相片入面仲有一個名牌，係寫住「黎梓恩先生」，相信係佢喺區議會開會時所用嘅名牌，名牌上嘅性別冇錯，但民政事務局封信就出錯，莫非事前冇同沙田民政事務處同區議會溝通？