香港大學校務委員會本周二晚開會討論係咪成立專責小組檢討大學管治時，再次受到學生衝擊，校委會主席李國章最後要喺警員護送下先至可以離開。港大校委之一張達明尋日出席電台節目時話，當晚突然有警察出現喺校園，護送李國章同校委離開，令人覺得係轉移視線，亦令校長馬斐森同學生之間嘅對立加劇喎。以當晚學生群情洶湧嘅程度，冇警員護送嘅話，相信李國章都好難走得甩，分分鐘被人溶咗都似。張達明唔係被學生圍攻嗰個，梗係講得口響啦！
