許文婷巨乳魔女

F級魅力

嚟自山西太原21歲嘅許文婷，咪睇佢年紀輕輕，查實已經有豐富嘅模特兒經驗。原來早喺佢未成年嘅時候，就已經開始模特兒生涯，此外佢喺2013年參加過綜藝節目《中國夢想秀》嘅演出，故此當佢喺2014年成為由百度遊戲打造嘅巨乳美女團體F90成員時，不但表現得輕鬆自如，更以前輩身份跟團員分享出騷經驗。究竟乜嘢叫做F90呢？佢嘅宗旨好簡單，就係團員全部都係90後嘅青春索女，而且個個擁有F罩杯嘅雙峰，擁有38F上圍嘅許文婷，成為當中團員絕對符合條件。

由出道至今，文婷推出過多輯寫真集，以性感迷人嘅形象而備受大眾歡迎，並且喺多個平面媒體，包括時尚、潮流、內衣等雜誌上亮相。人氣愈嚟愈高嘅文婷，更踩入遊戲界，以Cosplay造型為多個遊戲拍攝宣傳照，並且參加遊戲代言選拔賽。呢啲經驗不但令佢變得更加成熟，散發出迷人魅力之餘，巨乳魔女嘅形象更係深入民心，相信未來隨住人氣不斷攀升，好大機會同其他模特兒一樣，朝往演藝界發展。

拳拳有力

咪以為魔女就會好冷艷，事實上文婷嘅性格活潑，係一個愛超越常規、鍾意刺激以及邪惡與溫馴化身嘅美女。至於阿妹有幾活潑呢？大部分模特兒閒時唔係去行街購物，就係去美容院做Facial，然而文婷就鍾意做運動，佢最愛跑步，以及去做健身同打拳。大家冇睇錯，阿妹真係好鍾意打拳（口架）！唔好以為佢Hea住咁打，佢打起上嚟拳拳有力，上年仲因為練拳時太過用力，搞到隻手腫到變豬手添，真係陰功！不過，阿妹並冇因此而放棄，更喺網上Post「豬手照」留言：「今天練了器械和打拳，手都打殘了……累累噠，不過很開心呢！大家也一起動起來，一起鍛煉吧！」阿妹積極樂觀嘅性格固然值得大家欣賞，喺文字間流露出嘅正能量，更係感染唔少粉絲，如此一個有身材又有內涵嘅索模，試問大家又點會唔鍾意呢？

話說回來，點解文婷會有咁多正能量呢？全因佢得到屋企人嘅全力支持，佢表示每張自拍照背後，都有一位默默付出嘅人，就係嫲嫲。原來每次佢自拍時，嫲嫲都會拎住盞枱燈幫佢打燈，如此體貼嘅舉動，試問佢嘅正能量又點會唔滿瀉呢？

許文婷Profile

出生地：山西太原

身高：163cm

三圍：38、26、38

個人微博

簡介：許文婷唔單止有出眾嘅外形同積極、樂天又好動嘅性格，查實佢嘅文筆亦相當唔錯，經常喺微博分享新詩。究竟呢位既有外在美又有內涵嘅索模平時會做乜嘢呢？想知佢嘅動向，立即去佢嘅微博睇吓啦！

網址：www.weibo.com/279522119

撰文：魂