大埔：單車違泊多時 部門執法不力
「呢度單車違泊真係好嚴重，行人路本身已經窄，兩邊仲要泊滿晒單車，成日行過都會戟親腳，有幾次仲差啲撻低！」大埔居民曾先生指鳳園路單車違泊問題已持續多時，嚴重阻塞行人路，而且更阻礙居民輪候小巴，質疑有關部門疏於巡查及執法，導致問題未獲解決。
民政署：將跨部門行動
民政事務總署發言人表示，大埔民政事務處將聯同相關部門，包括大埔地政處、食物環境衞生署、運輸署及警方進行跨部門聯合行動，清理上址違例停泊的單車。發言人又說，該署會繼續與有關部門就區內違例停泊單車的問題緊密合作。
「都冇改善過，希望再研究吓有乜解決方法，唔好由得啲人繼續違例！」曾先生認為違泊問題仍然嚴重，要求部門積極處理，以保障行人安全。