探射燈：食材舖租人工樣樣貴 生意難做

「食材加價加得最誇張，短短幾個月已經升咗三成。」佐敦新新酒樓負責人莫小姐表示，近年舖租、員工薪酬及食材價格等營運成本升幅甚高，其中食材升幅最高，合計其他支出已佔開支約五至六成，僅能維持收支平衡，「惟有努力啲研發新菜式，以質素留住客人。」

消費意欲減 加價空間少

「營運成本愈嚟愈高，但係飲食業競爭咁大，為咗留客，冇乜加價嘅空間。」私房菜負責人余健志（Jacky Yu）指出，受最低工資等相關政策影響，單是薪酬相關支出已佔總開支近三成，加上經濟衰退令巿民消費意欲大減，使情況變得雪上加霜，「樣樣都愈嚟愈貴，營業額永遠都追唔上成本嘅加幅。」