探射燈：「任食」救亡 餐飲業兩難
本港食肆步入寒冬，推出任食救亡！有快餐連鎖店推出限時任食優惠，食客「畀Like」（讚好）再「慳多啲」；連茶餐廳亦加入任食戰團，更斥巨資裝潢，以懷舊香江風情吸客；有任食燒烤場以平價團購蝕住做，盼吸引區外客人。有飲食業界人士指，去年年中至年底食肆生意大跌近兩成，而大部分食肆大搞任食及特價亦只是旺丁不旺財，只望保持人氣。但市場學者直指，食肆推出任食要計算好成本及定價，並要符合一定條件，否則容易弄巧成拙。
經濟下滑，飲食業首當其衝。根據政府統計處食肆收入及購貨額按季統計調查報告，去年第三季與第二季比較，經季節性調整的食肆總收益以價值計及數量計分別下跌百分之零點一及一點二。各食肆為救亡，紛紛推出任食優惠。
冰室斥巨資裝修 懷舊風招徠
「我哋餐廳位置唔算太好，但係推出優惠之後生意好咗幾倍，晚市一般都客滿，做到三輪任食。」推出任食「吸客」的有中環的傳統冰室，香江冰室老闆陳紅兵坦言飲食業競爭激烈，要做好一間茶餐廳更是「難上加難」。陳又指，為令客人在視覺及味覺上留下深刻印象，開業前曾斥巨資裝修，配上店內播放六十年代金曲，極具懷舊香江風情。
陳亦指，冰室與公關公司合作，以新興媒體推廣懷舊風情，「呢區好多食肆，要突圍而出，首先一定要令客人有印象，所以公關公司提議拍多啲片放上網，結果反應好好，一條片有成十萬人睇。」陳又稱，為配合任食優惠，晚市每位只要一百二十八元就可享用多款懷舊點心、蒸飯及其他茶餐廳招牌食品。
快餐店限時放題針對家庭客
「依家主力喺網上做推廣，儲住人氣先，客人like（讚好）我哋個社交平台網頁仲可以平廿蚊，總之最緊要多人識。」另一間快餐連鎖店亦加入任食行列，脆味批創辦人及董事劉秀芳坦言，現時「市道唔好」，要客似雲來一定要出盡法寶，故決定於大埔分店率先推出限時任食優惠「吸客」，晚市每位一百二十八元就可以於個半小時內嘗盡逾三十款美食，包括薄餅及招牌炸雞。
劉又指，限時放題任食是一種迎合香港人的飲食方式，尤其針對家庭式消費，「因為每人食兩三樣已經抵過就咁單點。」該公司為迎合不同類型客人口味，剛推出素菜薄餅及一系列素食，反應熱烈，「我嘅目標係要做到又好食又多款式價錢又要合理，客人食完先會返轉頭。」
現值隆冬，火鍋及燒烤食肆應大收旺場，但仍有食肆「愁眉不展」。「團購都冇乜錢賺，只係賺人氣，希望啲客會再嚟幫襯。」於龍鼓灘海邊經營限時任食燒烤場的負責人李先生指，不但夏天生意大跌，今年冬天亦比往年生意下降，即使是大時大節，生意亦不如以往，只好藉團購增加客源，「我哋印傳單派效果唔大，喺街派都未必有人嚟，但團購既可當網上宣傳，亦可增加收入。」
冬至飯毛利大跌 爆場亦無用
「依家間間食肆都做緊特價、優惠，舊年年中至年尾生意大跌一至兩成。」飲食業職工總會主席郭宏興表示，單是去年冬至飯已有明顯下降，「平時可以做到兩輪生意，依家只係做到一輪。」他亦指，中式食肆若要「維皮」，每圍要有三千多元的收入，但現時只做到一千多元，且不少食肆「爆場」，但旺丁不旺財。
「市場出現任食呢類新奇吸客方法，反映業界情況較差，需要出奇招自救求存。」現代管理（飲食）專業協會會長胡珠指出，近年飲食業界受經濟衰退及營業成本大增影響，生意額已較往年減少，「今年少咗好多團年飯、春茗嘅訂單，有小型酒樓已經做唔住，農曆新年後可能會出現執笠潮。」
連鎖快餐店吉野家早前亦推出任食火鍋，吸引不少食客大排長龍。吉野家市場及公關部總監蔡冬冬稱，推出放題純為慶祝該公司在港成立二十五周年及西環分店開張，推廣限定一星期及只限西環分店供應，而活動主要以推廣宣導為主，暫時未有計劃長期供應放題。
圖/文：專案組