兩電早排向政府申請加價，但政府反建議兩電將准許回報率由百分之九點九九，下調至百分之六至八，目前雙方仍然討論緊。環境局副局長陸恭蕙尋日出席電台節目時，被質疑佢唔夠「牙力」，唔能夠為市民成功爭取減電費。陸恭蕙回應話，兩電利潤管制協議係商業機密，難以外聘其他人士加入討論，所以希望公眾運用壓力逼兩電妥協。吓？咁講即係舉定旗投降，仲將個波拋畀市民，一下子就將責任推得乾乾淨淨啫！
